وزیراعظم نریندر مودی نے آسٹریا کے ویانا میں دہشت گردانہ حملے پر گہرے دکھ کا اظہار کرتے ہوئے منگل کو کہا کہ بھارت اس بحران کے وقت میں اس کے ساتھ کھڑا ہے۔
نریندر مودی نے آج ٹویٹ کیا کہ ’’ ویانا میں بزدلی کا ثبوت دیتے ہوئے کئے گئے دہشت گردانہ حملے کی خبر بہت حیران کن اور تکلیف دہ ہے۔ بھارت اس پریشانی کے وقت میں آسٹریا کے ساتھ کھڑا ہے۔ میری تعزیت متاثرین اور ان کے لواحقین کے ساتھ ہے۔‘‘
واضح رہے کہ پیر کو ویانا میں نامعلوم لوگوں کے ایک گروپ نے فائرنگ کردی جس میں دو لوگوں کی موت ہوگئی اور ایک پولیس اہلکار سمیت کئی دیگر زخمی ہوگئے ہیں۔ ایک حملہ آور بھی مارا گیا ہے اور دیگر حملہ آوروں کی تلاش کی جارہی ہے۔
میڈیا رپورٹوں کے مطابق ویانا میں کل نامعلوم لوگوں کے ایک گروپ نے خصوصی طورپر یہودی طبقے کے لوگوں کو نشانہ بناکر فائرنگ کر کے اس حملے کو انجام دیا۔ آسٹریا کے چانسلر سیبسٹین کرز نے اسے دہشت گردانہ حملہ کہا ہے۔
آسٹریا کے چانسلر سبسٹین کرز نے کہا کہ اس بات کا امکان رد نہیں کیا جاسکتا کہ یہ ایک سامی مخالف حملہ تھا کیونکہ فائرنگ کا آغاز ویانا کے مرکزی عبادت خانہ کے باہر ہوا تھا، اس وقت یہ عبادت خانہ بند تھا۔
یہ بھی پڑھیں۔۔۔
