مغربی بنگال بی جے پی کے صدر دلیپ گھوش اور رکن پارلیمان سمتراخان کے درمیان جاری تنازعہ ختم ہونے کا امکان روشن ہو گیا ہے.
بانکوڑہ ضلع کے وشنوپور سے بی جے پی کے رکن پارلیمان سمترا خان تمام قیاس آرائی کو ختم کرتے ہوئے بی جے پی کے ریاستی صدر دلیپ گھوش کی رہائش گاہ پر پہنچے.
بی جے پی کے ریاستی صدر دلیپ گھوش اور رکن پارلیمان سمترا خان کے درمیان گھنٹوں تک بات چیت ہوئی.
بی جے پی کے صدر دلیپ گھوش نے کہا کہ رکن پارلیمان سمتراخان تہوار کے موقع پر نیک خواہشات اور مبارکباد دینے کے لئے گھر آئے تھے.
انہوں نے کہا کہ ملاقات کے دوران سیاست پر زیادہ بات چیت نہیں ہوئی ہے. لیکن مستقبل کی حکمت عملی پر تبادلہ خیال کیا گیا.
بی جے پی کے ریاستی صدر کا کہنا ہے کہ تبازعہ یا اتخلاف کی گنجائش نہیں ہے ے. پارٹی کے تمام لوگ متحد ہیں. اس موضوع پر زیادہ بات کرنے کی ضرورت نہیں ہے.
دوسری طرف رکن پارلیمان سمترا خان نے ملاقات کے بعد کہا کہ سب کچھ ٹھیک ہے. کوئی تنازعہ نہیں ہے.
انہوں نے کہا کہ دلیپ دا کئی موضوع پر تبادلہ خیال ہوا لیکن اس پر زیادہ بات چیت نہیں کی جا سکتی ہے.
رکن پارلیمان کا کہنا ہے کہ ہم سب ایک پارٹی کے ممبر ہیں.ہمیں پارٹی کے لئے کام کرنا ہے.
ضلع کمیٹی کو تحلیل کرنے کے معاملے پر انہوں نے کہا کہ دلیپ گھوش صدر ہیں انہیں جو سمجھ میں آیا انہوں نے کیا.
واضح رہے کہ بی جے پی کے ریاستی صدر دلیپ گھوش اور رکن پارلیمان سمترا خان کے درمیان بانکوڑہ ضلع کمیٹی تحلیل کرنے پر تنازعہ کھڑا ہو گیا تھا.
اس کے بعد رکن پارلیمان سمتراخان ریاستی بی جے پی یوتھ مورچہ کے صدر کے عہدے سے استعفی دینے پر غور کر رہے ہیں.
