طلباء نے پولیس پر جامعہ میں امن و امان میں جان بوجھ کر خلل پیدا کرنے کا الزام عائد کیا اور کہا کہ خاموشی احتجاج کو منظم سازش کے تحت پر تشدد بنایا گیا۔
طلباء خاطی پولیس افسروں کے خلاف کاروائی کا مطالبہ کر رہے تھے اور انصاف ملنے تک انہوں نے اپنا احتجاج جاری رکھنے کا عزم ظاہر کیا۔
جامعہ ملیہ واقعے پر مولانا آزاد نیشنل اردو یونیورسٹی میں طلباء کا احتجاج
احتجاج کے موقع پر یونیورسٹی کے قریب پولیس کے دستے تعینات کئے گئے ہیں۔ تاہم پولیس کیمپس کے باہر سے ہی سارے معاملے کی نگرانی کر رہی ہے۔
پولیس کے ایک افسر نے کہا کہ طلباء کا احتجاج یونورسٹی کے احاطے کے اندر پر امن طریقے سے جاری ہے اب تک کسی طرح کی قانون شکنی کی شکایت موصول نہیں ہوئی ہے اور حالات قابو میں ہیں۔ یونیورسٹی میں طلباء کے امتحانات جاری ہیں لیکن جامعہ کے واقعے کے بعد آج ہونے والے امتحان کو منسوخ کر دیا گیا۔
