بھارت میں کورونا کیسز کی تعداد بہت تیزی سے بڑھ رہی ہے۔ بھارتی ریاستوں میں سب سے زیادہ متاثر ہونے والی ریاست مہاراشٹر ہے۔ ممبئی میں صحت کے کارکنان گھر گھر جا کر کورونا کا ٹیسٹ کر رہے ہیں۔
گذشتہ 24 گھنٹوں کے دوران بھارت میں تقریبا 50 ہزار نئے کورونا مریضوں کی تصدیق ہوئی ہے۔
امریکہ اور برازیل کے بعد بھارت دنیا کا تیسرا سب سے زیادہ کورونا سے متاثر ہونے والا ملک ہے۔ یہاں اب تک متاثرین کی مجموعی تعداد 14 لاکھ سے تجاوز کر چکی ہے، تاہم دونوں ممالک امریکہ اور برازیل کے مقابلے شرح اموات میں کمی درج کی گئی ہے۔
بھارت میں اب تک کورونا سے 32 ہزار 771 افراد ہلاک ہوئے ہیں، جبکہ 14 لاکھ سے زائد متاثرین میں سے 9 لاکھ 18 ہزار سے زائد افراد مکمل طور پر صحتیاب ہو چکے ہیں۔
بھارت کی چیف میڈیکل ریسرچ ایجنسی کا کہنا ہے کہ اتوار تک ملک بھر میں تقریبا 5 کروڑ 15 لاکھ 51 کورونا سیمپل ٹیسٹ کیے جا چکے ہیں۔
