وزیر اعظم مودی نے طوفان کے بعد کی ممکنہ صورت حال اور اس سے نمٹنے کے لیے کیے جا رہے اقدامات اور تیاریوں کا جائزہ لیا، این ڈی آر ایف کی ٹیم نے ضرورت پڑنے پر لوگوں کو محفوظ مقامات پر پہنچانے سے متعلق ایک 'پرزنٹیشن ' بھی پیش کیا۔
ٹیم کے ڈائریکٹر جنرل نے بتایا کہ صورت حال سے نمٹنے کے لئے 25 ٹیموں کو تعینات کیا گیا ہے جبکہ 12 دیگر کو تیار رہنے کے لئے کہا گیا ہے۔ ملک کے مختلف حصوں میں تعینات 24 دیگر ٹیموں کو بھی صورت حال کے مطابق طلب کیا جا سکتا ہے۔
میٹنگ میں مرکزی وزیر داخلہ امت شاہ، وزیر اعظم کے پرنسپل مشیر پی کے سنہا، کابینہ سکریٹری راجیو گوبا اور مختلف وزارتوں کے کئی سینئر حکام بھی موجود تھے۔
واضح رہے کہ یہ طوفان تیز رفتار سے آگے بڑھ رہا ہے اور اس کے بدھ کے روز مغربی بنگال اور اُڈیشہ کے ساحل سے ٹکرانے کا اندیشہ ہے۔ طوفان کی وجہ سے ان دونوں ریاستوں میں زبردست تیز رفتار سے ہوا چلنے کے ساتھ موسلادھار بارش ہونے کابھی امکان ہے۔
