نریندر مودی نے ووٹ ڈالنے سے قبل ایک کھلی ہوئی جیپ میں روڈ شو بھی کیا اور پارٹی کے دیگر رہنماؤں کے ساتھ سڑک پر چلتے ہوئے میڈیا سے بات چیت کی۔
'ووٹر شناختی کارڈ کسی بھی ہتھیار سے زیادہ طاقتور': مودی
مودی نے کہا کہ ' جس طرح دھماکہ خیز مادہ آئی ای ڈی دہشت گردی پھیلاتا ہے اسی طرح ووٹر شناختی کارڈ جمہوریت کی طاقت ہے۔ میں یقین کے ساتھ کہہ سکتا ہوں کہ ووٹر شناختی کارڈ کسی بھی ہتھیار سے زیادہ طاقتور اور نتیجہ خیز ہے'۔
ووٹ ڈالنے کے بعد انہوں نے تمام لوگوں سے حق رائے دہی کا استعمال کرنے کی گذارش کی۔
بی جے پی کے صدر امت شاہ اپنے اہل خانہ کے ساتھ پولنگ بوتھ کے باہر وزیراعظم مودی کا استقبال کرنے کے لیے موجود تھے۔
ووٹ ڈالنے سے قبل مودی گاندھی نگر میں اپنی والدہ سے ملنے گئے۔
امت شاہ اپنی اہلیہ سونل شاہ کے ساتھ احمد آباد کے ناران پورا میں حق رائے کا استعمال کیا۔
