اطلاعات کے مطابق وزیر اعلی تریویندر نے مرکزی وزیر داخلہ امت سے بات کی جس کے بعد وزیر داخلہ نے وزیر اعلی تریویندر کو یقین دلایا ہے کہ وہ جوان کی بحفاظت واپسی کے لیے ہر ممکن کوشش کریں گے۔
راجندر سنگھ جموں وکشمیر کے اننت ناگ میں میں واقع فارورڈ پوسٹ پر قائم 11ویں گڑھوال رائفل کے جوان ہیں وہ ڈیوٹی پر تھے اور گشت کررہے تھے اسی دوران وہ برف کی وجہ سے پھسل کے پاکستان کی سرحد میں پہنچ گئے اس کے بعد سے ان کی کوئی معلومات نہیں ہے۔
جوان نیگی مع اہل خانہ دہرو دون کے پریم نگر کے رہنے والے ہیں ان کی گنشدگی کے بارے میں جب سے اہل خانہ اس سے سلسلے میں اطلاع ملی ہے گھر میں افراتفری کا ماحول ہے اہل خانہ نے ان کی بحفاظت واپسی کی مرکزی حکومت سے اپیل کی ہے ۔
وزیر اعلی تریویندر راوت نے اہل خانہ سے دکھ کا اظہار کیا ہے اور کہا ہے اہل خانہ کے ساتھ ان کا بھر پور تعاون ہے اور ان کی پوری کوشش ہے کہ جوان کو محفوظ طریقے سے واپس لایا جائے۔
ان کا کہنا تھا کہ وزیر داخلہ امت شاہ سے اس بارے میں بات کی گئی ہے، مرکز سے ریاست تک تمام کوششیں کی جائیں گی کہ جوان کی واپسی کو یقینی بنایا جائے۔
