وشواناتھ اور کرشنا جنم بھومی مندروں کا مسئلہ اٹھاتے ہوئے، بی جے پی رہنما جئےبھان سنگھ پاویا نے کہا ہے کہ ہندوؤں کی ان دو عبادت گاہوں کو بھی آزاد اور دوبارہ زندہ کیا جانا چاہئے۔
بی جے پی رہنما جئےبھان سنگھ پاویانے کہا ہے کہ ایودھیا میں رام مندر کے معاملے کو طئے کرنے کے بعد متھورا اور کاشی کے مندروں کو بھی آزاد کیا جانا چاہئے، کیونکہ ان کے ساتھ ہی مساجد موجود ہیں۔
مذکورہ رہنما نے کہاکہ وارانسی میں وشونااتھ مندرکےساتھ گیانوپی مسجد کی دیوار جڑی ہے، جبکہ متھورا میں شاہی عیدگاہ مسجد کرشنا جنم بھومی مندر سے متصل ہے۔
سابق رکن پارلیمان نے میڈیا سے بات کرتے ہوئے کہا کہ ملک کے ہندوؤں کے دلوں میں درد ہے کیونکہ اُس وقت کے مغل حکمرانوں نے 17 ویں صدی کے دوران دونوں مندروں کی 'توہین' کی تھی۔
انہوں نے کہا ، "ان دونوں مندروں کو دوبارہ زندہ کیا جانا چاہئے کیونکہ رام مندر بنانے کے لئے راستہ مل گیا تھا ، اسی طرح ان دونوں مندروں کو بھی مکمل طور پر آزاد کیا جانا چاہئے۔"
بی جے پی رہنما نے یہ تبصرہ 1992 میں بابری مسجد کے انہدام کے سلسلے میں لکھنؤ روانہ ہونےسےقبل خصوصی سی بی آئی عدالت میں پیش ہونے سے پہلے کیا۔
