ریاست بہار کے کیمور میں ڈیوٹی سے غائب ہونے کے الزام میں اے ایس آئی سمیت آٹھ ہوم گارڈز کو معطل کردیا گیا ہے۔
یہ بڑی کارروائی کیمور کے ایس پی دلنواز احمد نے کی ہے۔
بتادیں کہ آٹھ ہوم گارڈز سمیت اے ایس آئی سنجیو کمار سنگھ کو درگاوتی کے ککرائٹ گھاٹ کے بارڈر پر شراب چیکنگ ڈیوٹی کے لیے تعینات کیا گیا۔
اس کی تصدیق کے لئے درگاوتی پولیس اسٹیشن افسر سنجے کمار کو وہاں بھیجا گیا۔ اس دوران ہوم گارڈ کے چار جوان بغیر اطلاع کے غیر حاضر پائے گئے۔
اطلاع ملتے ہی ایس پی دلنواز احمد نے کام میں غفلت کے پیش نظر اے ایس آئی سمیت ہوم گارڈ کے آٹھ اہلکاروں کو معطل کردیا۔
اسی دوران ایس پی دلنواز احمد نے بتایا کہ ’شراب کی جانچ کے لیے اے ایس آئی سمیت ہوم گارڈ کے آٹھ جوان تعینات تھے جو وہاں موجود نہیں تھے'۔
مزید پڑھیں:کیمور کے متعدد گاؤں موبائل نیٹ ورک سے محروم
انہوں نے کہا کہ 'اے ایس آئی سنجیو کمار سنگھ کو فوری طور پر معطل کردیا گیا ہے۔ نیز ہوم گارڈ کے چار جوانوں کو چھ ماہ کے لئے ڈیوٹی سے منع کردیا گیا ہے۔ جبکہ باقی چار ہوم گارڈ جوانوں کو ڈیوٹی سے محروم کرتے ہوئے واپس سمادشٹا بہار ڈیفنس ہوم، بھبھوا بھیج دیا گیا ہے'۔
