اڑیسہ میں کورونا وائرس کے 18 نئے کیسز کے سامنے آنے کے بعد وزیراعلیٰ نوین پٹنائک نے ریاست کے لوگوں کو سماجی دوری کے اصولوں پر سختی سے عمل کرنے یا "مجرمانہ کارروائی" کا سامنا کرنے کی تاکید کی ہے۔
کورونا وائرس کے پھیلاؤ کو روکنے اور اس کے خاتمے کے لیے طبی ماہرین جہاں بہت سی احتیاطی تدابیر کو اختیار کرنے کی ہدایات دے رہے ہیں، وہیں عوام کو اپنے گھروں میں رہنے کے لیے کہا ہے۔
اسی تناظر میں ملک بھر میں بھیڑ کو کم کرنے کے لیے حفاظتی اقدام کے طور پر لاک ڈاون نافذ کیا گیا ہے۔
تاحال اڑیسہ میں کورونا وائرس کے کل کیسوں کی تعداد 39 ہوگئی۔ متاثرہ افراد کا تعلق بھونیشور سے ہیں۔
پٹنائک نے کہا ہے کہ 'سماجی دوری کی خلاف ورزی پر کسی بھی طرح کی مروت یا رواداری نہیں برتی جائے گی۔ جو شخص بھی اس کی خلاف ورزی کرئے گا، اس کے خلاف سخت کارروائی کی جائے گی'۔
انھوں نے کہا ہے کہ 'متعلقہ دکان اور بڑے بازاروں کو سیل کردیا جائے گا۔ آپ سے کورونا وائرس کے خلاف ہماری لڑائی میں باہمی تعاون کی درخواست ہے'۔
تاہم وزیراعلی نے لوگوں سے اطمینان رکھنے اور نہ گھبرانے کی اپیل کی ہے۔
انہوں نے مزید کہا ہے کہ 'لوگوں کو گھبرانے کی ضرورت نہیں ہے۔ بھوونیشور علاقے میں اس مرض سے وابستہ تعداد میں اضافہ ہورہا ہے۔ جس کے بارے میں ہم مسلسل رابطہ ہے۔ پر خلوص انداز سے اپیل ہے کہ اس پر عمل کریں اور لاک ڈاؤن کا احترام کریں۔ پولیس خلاف ورزی کرنے والوں کے خلاف سخت کارروائی کرے گی'۔
ریاست میں 39 کوویڈ 19 معاملات میں سے 32 بھوبنیشور کے ہیں۔
