'محبوبہ مفتی کو کشمیر سے زیادہ کرسی پیاری ہے'

بھارتی کرکٹ ٹیم کے سابق سلامی بلے باز گوتم گمبھیر آج ریاست جموں و کشمیر کے ادھم پور ضلع میں تشہیری مہم کے لیے پہنچے تھے۔

گمبھیر نے محبوبہ مفتی اور عمر عبداللہ پر تنقید کرتے ہوئے کہا کہ ان لوگوں کو کشمیر کے مسائل حل کرنے میں کوئی دلچسپی نہیں ہے بلکہ انہیں صرف اپنی کرسی پیاری ہے۔

انہوں نے کہا کہ بی جے پی ملک کی ترقی کے لیے کام کرتی تھی اور ہمیشہ ملک کی ترقی کے لیے کوشاں رہے گی۔

گمبھیر نے مزید کہا کہ کشمیر بھارت کا اٹوٹ حصہ ہے اور یہ ہم سے کوئی نہیں چھین سکتا۔

انہوں نے کہا کہ عمر عبداللہ اور محبوبہ مفتی کئی برسوں تک اقتدار میں رہے لیکن کشمیر کے مسائل کو حل نہیں کیا بلکہ کشمیری نوجوانوں کو تشدد پر آمادہ کیا۔