پالگھر پولیس اور مقامی کرائم برانچ نے خفیہ اطلاع کی بنیاد پر دو افراد کو گرفتار کیا جن کے یہاں آتشیں اسلحہ سمیت کروڑوں روپیے کی مالیت کا ڈرگس برآمد کیا ہے۔
پالگھر ایس پی گورو سنگھ نے بتایا کہ ' ہمیں خبر ملی ہے کہ منور پولیس اسٹیشن کے چلہار پھاٹا کے ایک ڈھابہ پر ڈرگس اور اسلحہ فروخت کرنے کچھ ڈیلر آنے والے ہیں '۔
اس خفیہ اطلاع کی بنیاد پر پالگھر پولیس اور مقامی کرائم برانچ کی ٹیم نے 'ہندوستان' نامی ڈھابہ پر چھاپہ مار کر دو افراد کو حراست میں لے لیا گیا۔
اطلاعات کے مطابق ملزمین کے پاس سے حکومت کے ذریعے ممنوع ہتھیار تین اے کے 47، چار دیسی پستول 63،کارتوس کے علاوہ رسالے، 16 کلو ایفی ڈرین اور ڈی ایم ٹی نامی ڈرگس برآمد ہوئے۔
تفتیش کے دوران ان ملزمین کو گرفتار کرلیا ہے۔
پولیس ان برآمد اسلحوں اور ڈرگس کو لیکر تفتیش کرنے میں مصروف ہےکہ الیکشن سے قبل برآمد ہونے والے ہتھیار اور ڈرگس کا مہاراشٹر کے اسمبلی الیکشن میں استعمال تو نہیں ہوگا؟
پولیس اور کرائم برانچ ٹیم مختلف زاویے سے اس پورے معاملے کی تحقیقات کرنے میں مصروف ہے۔
