راؤصاحب دانوے جالنہ پارلیمانی حلقے سے رکن پارلیمان ہیں، دراصل رکن پارلیمنٹ کا ایک ویڈیو وائرل ہو رہا ہے جس میں وہ مبینہ طور پر کہتے نظر آرہے ہیں کہ اگر وہ دوبارہ رکن پارلیمنٹ منتخب ہوئے تو وہ لوگوں کو پیسے دیں گے۔
ان کی تقریر کا ویڈیو وائرل ہو گیا ہے۔ بھارتیہ جنتا پارٹی کے رکن پارلیمان حزب اختلاف کو چور کہتے بھی نظر آرہے ہیں۔
اس ویڈیو میں انہوں نے کہا ہے کہ وزیراعظم نریندر مودی کے خلاف ساری اپوزیشن جماعت متحد ہو گئی ہیں۔ اپ انتخابات میں میری حمایت کیجیے میں آپ سب کو پیسے دوں گا۔ میرے مخالفین کے پاس پیسے نہیں ہیں۔
انہوں نے لوگوں سے سوال کیا۔" آپ میری حمایت کریں گے"۔؟
اطلاعات کے مطابق دو مارچ کو راؤ صاحب ایک جلسے سے خطاب کررہے تھے اور اسی دن یہ ویڈیوسوشل میڈیا پر وائرل ہو گیا۔
