مہاراشٹر کے دارالحکومت ممبئی سے کولہاپور جانے والی مہالکشمی ایکسپریس میں موجود تقریباً سات سو مسافر زبردست بارش کے سبب بدلاپور کے قریب واقع واگنی علاقے میں آئی تغیانی کے سبب پھنس گئے۔
این ڈی آر ایف کی ٹیم نے تقریباً 117 مسافروں کو محفوظ باہر نکال لیا ہے. مسافروں کو ہیلی کاپٹر سے منتقل کئے جانے کی اطلاع ہے۔ یہ ٹرین ممبئی سے تقریباً 100 کلو میٹر دور بدلاپور میں علی صبح سے رکی ہوئی تھی۔ ریلوے انتظامیہ اور مقامی پولیس نے مسافروں کو بسکٹ اور پانی فراہم کیا ہے۔
مسلسل ہورہی موسلادھار بارش کے سبب حالات بگڑتے جارہے ہیں الہاس ندی میں آنے والی زبردست تغیانی کے سبب مہالکشمی ایکسپریس بھی متاثر ہوئی ہے۔ مسلسل ہونے والی بارش نے ممبئی اور مضافات کے علاقے کے لوگوں مشکلات میں مزید اضافہ کردیا ہے۔
کلیان، کون گاؤں، بدلاپور، واگنی، بھیونڈی اور اسکے مضافاتی علاقوں میں سیلابی کیفیت پیدا ہوچکی ہے۔مہالکشمی ایکسپریس کے مسافروں کو امداد پہنچانے کے لیے اب تک تین کشتیوں کے ساتھ این ڈی آر ایف کی ٹیم پہنچ چکی ہے۔
