آگ کم ہو یا زیادہ عموماً انسان اس سے ڈرتا ہے، لیکن ریاست مدھیہ پردیش کے برھان پور میں ایک ایسا حجام (نائی) ہے جو چند کیمیکلز کی مدد سے بالوں میں آگ لگاتا ہے اور آگ کی لپٹوں کے دوران ہی بال کاٹتا ہے۔
ترقی کے اس دور میں انسان مختلف طریقوں سے ہر پریشانی کا حل ڈھونڈے کی کوشش کرتا ہے، شاید ہی کوئی ہو گا جو یہ ماننے سے آج انکار کرے کہ بالوں میں آگ لگا کر بھی اچھی کٹنگ ہو سکتی ہے، جس سے بالوں کی چمک اور مضبوطی میں اضافہ ہوتا ہے۔
برھان پور کے مونو حجام آگ کی لپٹوں کے درمیان بڑی مستعدی سے کنگھا چلا کر خراب بالوں کو الگ کرتے ہیں، جس کے بعد بالوں میں ایک الگ ہی طرح کی چمک آ جاتی ہے۔
ای ٹی وی بھارت سے بات چیت میں مونو نے بتایا کہ 'انھوں نے یہ فن دس برس کی مدت میں سیکھا ہے ۔ آج کل فائر کٹ کا ٹرینڈ چل رہا ہے، پہلے لوگوں کو ڈر لگ رہا تھا لیکن اب بچے جوان سب فائر کٹ بنوانے کے لیے قطار در قطار آرہے ہیں۔ برھان پور میں شاید میری یہ پہلی دکان ہے جہاں فائر کٹ کیا جاتا ہے۔ اور فائر کٹ کے بہت سارے فوائد ہیں اس کا کوئی منفی اثر نہیں ہے'
