بہار کے ضلع رُہتاس میں دریہٹ تھانہ علاقہ کے آئل کوٹا ۔ اکوڑھی گولا سڑک پر بدمعاشوں نے بجلی کے سامانوں کی تجارت کرنے والے تاجر سے ایک لاکھ 70 ہزار روپے لوٹ لیے۔
پولیس ذرائع نے بتایاکہ ضلع میں کاراکاٹ تھانہ علاقہ کے گوڈاری باشندہ امت کمار اپنی دکان سے نکل کر مدھیہ بہار گرامین بینک کی شاخ میں گئے، جہاں انہوں نے ایک لاکھ 50 ہزار روپے نکالا جبکہ وہ گھر سے 20 ہزا ر روپے لیکر چلے تھے۔ یعنی وہ ایک لاکھ 70 ہزار روپے لیکر موٹر سائیکل سے ڈہری بازار آرہے تھے، تبھی آئل کوٹا ۔ اکوڑھی گولا سڑک پر پٹرول پمپ کے نزدیک گھات لگائے بائک پر سوار 2 بدمعاشوں نے اسلحے کی نوک پر انہیں روکا اور روپے سے بھرا تھیلا چھین کر فرار ہوگئے ۔
واردات کے بعد تاجر نے تھانے کو اطلاع دی۔ اسکے بعد ایڈیشنل پولیس سپرنٹنڈنٹ سنجے کمار پولیس ٹیم کے ساتھ موقع پر پہنچے۔ بدمعاشوں کی شناخت کرنے کیلئے پولیس سی سی ٹی وی کیمرے کی فوٹیج کھنگال رہی ہے ۔
بدمعاشوں کی شناخت ہوتے ہی ان کی گرفتاری کیلئے چھاپے ماری شروع کر دی جائے گی۔
