ملک میں کورونا وائرس کی وجہ سے لاک ڈاؤن نافذ ہے اور اسی کے پیش نظر حکومت نے تمام مذہبی مقامات پر کسی بھی قسم کے اجتماع پر پابندی عائد کی ہے۔
لاک ڈاؤن کے سبب اس برس کی عید پھیکی گزری، نہ تو کسی قسم کی گہما گہمی اور نا ہی کسی بھی طرح کی چہل پہل نظر آئی جو ہر برس عید پر ہوا کرتی تھیں۔
عیدالفطر پر لاک ڈاؤن اثر انداز، ویڈیو
کورونا وائرس وباء کی وجہ سے اس بار کی عید کافی مختلف نظر آ رہی ہے۔
لوگوں نے عید کے خاص موقع پر گھروں میں ہی نماز ادا کی نیز سماجی فاصلوں کا خیال رکھتے ہوئے ایک دوسرے کو عید کی مبارکباد پیش کی۔
حکومت کی گائیڈ لائن کے مطابق مساجد میں پانچ سے زائد افراد کو نماز پڑھنے کی اجازت نہیں تھی اسی لیے مسلمانوں نے ماہ صیام میں بھی عبادات و ریاضات گھروں میں ہی کی تھیں۔
