اطلاعات کے مطابق یہ معاملہ ضلع کیمور کے موہنیاں تھانہ کے سرائے ٹولہ سے متعلق ہے۔ کیمور پولیس کی بہتر کوشش اور گڈ گورننس کے باوجود ضلع میں شراب کی اسمگلنگ میں کمی نہیں آرہی ہے۔ اس غیر قانونی کاروبار میں ملوث اسمگلر طرح طرح کا طریقہ اپنا کر کاروبار کررہے ہیں۔
اس طرح کے ایک واقعہ میں ایک پولٹری فارم سے چار بوریاں خالی شراب کی بوتل اور بڑی تعداد میں اسٹیکر کے ساتھ تین بائک برآمد کی گٸی۔ اس واقعہ کے بعد مرغی فارم کا آپریٹر فرار ہوگیا۔ موہنیاں کے ڈی ایس پی رگھوناتھ پرساد سنگھ نے بتایا کہ ایک خفیہ اطلاع پرکارروائی کی گئی۔
انہوں نے کہا کہ اطلاع کے مطابق مرغی کے فارم میں شراب بنائی جارہی ہے جس پر موہنیاں پولیس تھانہ افسر رام کلیان یادو نے کارروائی کی اور چھاپہ مار کر شراب کے ساتھ ساتھ دیگر سامان برآمد کرلیا۔
شراب کی بڑی مقدار ملنے کے بعد پولیس نے آپریٹر کے خلاف ایف آئی آر درج کر لی ہے اور اس بات کی چھان بین کررہی ہے کہ مرغ فارم کے احاطے میں شراب کا کاروبار کب سے چل رہا تھا۔
