مرحوم استاد غلام مصطفی سے کئی فنکاروں نے موسیقی کی تعلیم حاصل کی تھی، جن میں ہری ہرن سنگھ، اے آر رحمن، سونو نگم، کویتا کرشن مورتی، شان وغیرہ قابلِ ذکر ہیں۔ یہ شاگرد اس بات کے گواہ ہیں کہ استاد فی زمانہ یکتائے روزگار ہیں۔
غلام مصطفی خان صاحب کی پیدائش 3 مارچ1931کو اترپردیش کے بدایوں کے قصبہ 'سہسوان' میں ہوئی تھی۔ استاد غلام مصطفی خان خود رام پور- سہسوان گھرانے کے بانی استاد عنایت حسین خان کے نواسے تھے، استاد غلام مصطفی خان رام پور- سہسوان موسیقی گھرانے کے نامور فنکار سمجھے جاتے تھے، انہوں نے اس گھرانہ کی شہرت میں بڑھ چڑھ کر حصہ لیا اور اس کی کامیاب نمائندگی کی۔
واضح ہوکہ ترانہ اور خیال میں رام پور-سہسوان گھرانے کو مخصوص شناخت حاصل ہے، غلام مصطفی خان صاحب موسیقی کے 'ترانہ' اور 'خیال' میں فی زماننا یکتائے روزگار تھے۔
ان کے انتقال پر بالی کی کئی بڑی شخصیات نے دکھ اور گہرے رنج و گإ کا اظہار کیا اور ان کے انتقال کو بالی ووڈ کے لیے ایک بڑا خسارہ قرار دیا۔
موسیقار کی ملکہ کہی جانے والی لتا منگیشکر نے اتوار کے روز غلام مصطفی خان کی ایک تصویر ٹویٹ کی اور ان کے انتقال پر غم کا اظہار کیا۔ انہوں نے کہا کہ غلام مصطفی نہ صرف ایک بہترین گلوکار تھے، بلکہ ایک عظیم انسان بھی تھے،
غلام مصطفی کے شاگردوں میں سے ایک گلوکار اے آر رحمان نے لکھا 'سب کے سب سے پیارے استاد غفور الرحیم آپ کو آخرت میں ایک خاص مقام عطا کرے۔'
گلوکارہ ہرشدیپ کور نے انہیں ایک 'نرم دل اور ایک مشہور فنکار کہا۔ انہوں نے ان کی موت کو موسیقی گھرانے کے لیے ایک بڑا خسارہ بتایا۔'
جیسے ہی استاد غلام مصظی خان صاحب کے انتقال کی خبر ملی بالی ووڈ کا موسیقی گھارانہ سوگوار ہو گیا، ہر طرف سے استاد خان صاحب کے لیے غم اور دکھ کا احساس ظاہر کیا جانے لگا، معروف گلوکار کمپوزر سلیم مرچنٹ نے افسانوی فنکار کے ساتھ اپنی ایک تصویر ٹویٹ کی اور لکھا 'انا للہٰ و انا الیہ راجعون۔ استاد غلام مصطفی خان نہیں رہے، وہ آگے لھتے ہیں کہ 'انہیں 1991 میں پدم شری، 2006 میں پدم وبھوشن کے اعزاز سے نوازا گیا تھا، میں خوش قسمت تھا کہ 2018 میں ان کے ساتھ وقت گزارا اور ان کے ساتھ میں نے اپنی سالگرہ منائی، میں اہل خانے سے اظہار تعزیت کرتا ہوں۔'
