راشٹریہ جنتا دل (آر جے ڈی) کے سربراہ لالو پرساد یادو کو ہفتہ کے روز ایئر ایمبولینس کے ذریعے رانچی کے رمس اسپتال سے دہلی ایمس منتقل کیا گیا تھا۔
اطلاع کے مطابق 22 فروری تک لالو یادو کو دہلی ایمس میں علاج کی اجازت مل چکی ہے۔ لالو یادو کو پھیپھڑوں میں انفیکشن ہوگیا ہے۔ جس کے بعد رمس اسپتال کے ڈاکٹروں کے آٹھ رکنی بورڈ نے انہیں دہلی منتقل کرنے کا مشورہ دیاتھا۔
رمس انتظامیہ کے تشکیل کردہ آٹھ رکنی میڈیکل بورڈ نے لالو کو دہلی کے ایمس بھیجنے کا مشورہ دیا تھا۔ لالو یادو کے ساتھ ان کی اہلیہ رابڑی دیوی، بیٹی میسا بھارتی، بیٹا تیجسوی یادو بھی ہیں۔
بتادیں کہ گزشتہ روز لالو کی طبیعت زیادہ خراب ہو گئی تھی، جس کے بعد طبی معائنہ کیا گیا جس میں ایکو کارڈیوگراف، ایکس رے، نیومونک، کوویڈ، یو ایس جی، کے یو بی پی، ایچ آر سی ٹی اور دیگر ٹیسٹ کیے گئے، نمونیہ کے علاوہ دیگر تمام رپورٹس نارمل تھیں، حالانکہ ایچ آر سی ٹی میں پھیپھڑوں کے انفیکشن کا پتہ چلا ہے۔
