مزدور تنظیموں نے میڈیا میں آئی اس سے متلق خبروں پر محنت اور روزگار کی مرکزی وزارت کو لکھے خط میں کہا کہ اس سے مزدوروں کا استحصال بڑھے گا۔
خبروں کے مطابق حکومت فیکٹری ایکٹ 1948میں تبدیلی کی تیاری کر رہی ہے، اس میں مزدوروں کے لیے کارخانوں میں کام کرنے کے یومیہ گھنٹے آٹھ سے بڑھاکر 12ہوجائیں گے، اس سے مزدوروں کو ہر ہفتہ 72 گھنٹے کام کرنا ہوگا۔
مزدور تنظیموں نے اس کی مخالفت کرتے ہوئے کہا کہ حکومت کو روزگار کے مواقع بڑاھانے کے اقدامات کرنے چاہیے۔
کورونا وائرس کی وجہ سے مزدور طبقہ بہت زیادہ کشیدگی میں ہے، ایسے وقت میں حکومت کو زیادہ سے زیادہ لوگوں کو کام دلانے کی کوشش کرنی چاہئے، اس سے لوگوں کے ہاتھ میں پیسہ آئے گا اور بازار میں مانگ بڑھے گی جس سے معیشت کو مضبوطی ملے گی۔
مزدور تنظیموں نے کہاکہ حکومت کو اس تجویز پر آگے غور نہیں کرنا چاہئے بلکہ مزدوروں کے لیے اس بحران کے وقت میں روزی روٹی کاا نتظام کرنا چاہئے۔
