کرناٹک میں حکمراں اتحاد کے باغی اراکین اسمبلی کی جانب سے 13 جولائی کو مکل روہتگی سپریم کورٹ میں پیش ہوئے تھے اور سماعت کے لیے درخواست کی تھی۔
بعد ازاں چیف جسٹس رنجن گوگوئی کی صدارت والی بنچ نے کہا کہ ہم اس پر منگل کو سماعت کرسکتے ہیں۔
عدالت نے مزید کہا کہ ہمارے پاس پہلے سے ہی 10 دیگر اراکین اسمبلی کی عرضی زیر التواء ہیں۔
قابل ذکر ہے کہ کرناٹک میں 16 اراکین اسمبلی نے رکنیت سے استعفیٰ دے دیا ہے، اگر ان کا استعفی منظور کر لیا گیا تو کانگریس۔جے ڈی ایس کے اتحاد کی حکومت اقلیت میں آ جائے گی۔
کانگریس اور جے ڈی ایس کے رہنما جہاں اقتدار بچانے کی کوششوں میں لگے ہوئے ہیں، وہیں بی جے پی کے رہنما حکومت کو گراکر اپنی حکومت بنانے کے لیے سرگرم ہیں۔
