صدر جمہوریہ ہند رام ناتھ کووند نے اتوار کے روز کرگل جنگ میں ملک کے لیے خود کو قربان کردینے والے فوج کے بہادر جوانوں کو یاد کیا اور انہیں سلام کیا۔
کووند نے کرگل یوم فتح کے موقع پر ٹوئٹ کر کے کہا ' کرگل یوم فتح ہمارے مسلح دستوں کی بہادری، پختہ عزم اور غیر معمولی شجاعت کی علامت ہے۔'
انہوں نے لکھا کہ' میں بہادر فوجیوں کو سلام کرتا ہوں۔ جنہوں نے دشمنوں کا ڈٹ کر مقابلہ کیا اور مادر وطن کی حفاظت کے لئے اپنی جانیں قربان کردیں۔ ملک ہمیشہ کے لئے ان کے اور ان کے کنبے کا شکر گزارہے۔'
یہ بھی پڑھیں
کرگل وجے دیوس: ملک کے اعلی رہنماؤں کا جوانوں کو خراج تحسین
واضح رہے کہ 26 جولائی 1999 کو بھارت کو کرگل جنگ میں فتح حاصل ہوئی تھی، تب سے اس دن کو کرگل یوم فتح کے طور پر منایا جاتا ہے۔
اس کے علاوہ کرگل وجے دیوس کو 21 برس مکمل ہونے پر مرکزی وزیر داخلہ امت شاہ، وزیر دفاع راجناتھ سنگھ، کانگریس کے سابق صدر راہل گاندھی سمیت کئی اعلیٰ سیاسی رہنماؤں نے بھارتی فوجیوں کی بہادری اور تحمل کو سلام پیش کیا ہے۔
