سی پی آئی رہنما کنہیا کمار نے بہار اسمبلی انتخابات کے تحت بیگوسرائے کے گڈھ پورہ میں سی پی آئی امیدوار سوریاکانت پاسوان کے حق میں جلسہ عام سے خطاب کیا، اس دوران کنہیا نے این ڈی اے اتحاد پر شدید تنقید کی، کنہیا نے کہا کہ اگر کورونا کو بھگانا ہے تو بی جے پی کو بھاگنا پڑے گا۔ اگر بی جے پی بھاگ جاتی ہے تو خود کورونا بھاگ جائے گی۔
کنہیا کمار نے این ڈی اے پر ذات پات اور مذہب کی بنیاد پر لوگوں کو تقسیم کرنے کا بھی الزام لگایا۔ انہوں نے وزیر اعلی نتیش کمار پر طنز کیا اور انہیں بزرگ قرار دیا۔
مزید پڑھیں: سیمانچل کے لوگ درانداز نہیں ہیں: اویسی
ان کا کہنا تھا کہ 'بہار میں تبدیلی ضروری ہے، کیونکہ نتیش کمار مکمل طور پر ناکام ہوچکے ہیں، ان کو بزرگی آچکی ہے، لہذا نوجوان ان کے امیدوار کی حمایت میں ووٹ کریں اور بہار کو ایک نئی پیشرفت کی طرف لے جانا چاہئے۔'
