حیدرآباد میں شہریت ترمیمی قانون کے خلاف مختلف تنظیموں پر مشتمل ایک جوائنٹ ایکشن کمیٹی تشکیل دی گئی ہے۔ اس کمیٹی کے صدر تحریک مسلم شبان کے صدر محمد مشتاق ملک ہوں گے۔ کمیٹی کے کنوینر سابق جسٹس چندر کمار کو بنایا گیا ہے۔
شہریت ترمیمی قانون کے خلاف جوائنٹ ایکشن کمیٹی کا قیام
تنظیم کے مشاورتی اجلاس میں جوائنٹ ایکشن کمیٹی کے ذمہ داروں نے شہریت ترمیمی قانون اور امکانی این آر سی کے خلاف احتجاجی حکمت عملی کو قطعیت دی۔
صدر تحریک مسلم شبان اور مشاورتی اجلاس کے میزبان محمد مشتاق ملک نے کہا کہ جے اے سی کی جانب سے 28 ڈسمبر دوپہر 12 بجے سے شام 5 بجے تک ان اندر پارک ، دھرنا چوک پر سی اے اے اور امکانی این آر سی کے خلاف 'ون ملین مارچ' کے عنوان سے احتجاجی دھرنا منظم کیا جائےگا- ون ملین مارچ کے لئے پولیس سے دو مقامات نکلیس روڈ اندرا پارک دھرنا چوک پر احتجاج کی اجازت کے لئے درخواست دی گئی ہے۔
