یونیورسٹی نے کہا کہ دفتر کا کام معمول کے طور پر جاری رہے گا۔ وہیں یونیورسٹی نے تمام افسران، اساتذہ اور عملہ کو اپنی ڈیوٹی کے لیے حاضر ہونے کی ہدایت دی ہے۔
یونیورسٹی کے رجسٹرار پرمود کمار نے کہا کہ کورونا وائرس سے پیدا ہونے والے صورتحال کے پیش نظر اطلاع دی گئی ہے کہ جے این یو میں تمام لیکچرز، کلاس پریزینٹیشن اور امتحانات فوری اثر سے 31 مارچ تک معطل کردیے جائیں گے۔
انہوں نے کہا اس وقفے کے دوران کیمپس میں کسی بھی قسم کے منعقدہ پروگرام جیسے سیمینارز، کانفرنس اور ورکشاپ کو ملتوی کردیا جائے۔ جس میں زائد سے زائد لوگوں کے جمع ہونے کی ضرورت ہوتی ہے۔
انہوں نے مزید کہا اس مدت کے دوران ہاسٹل کے رہائشیوں کو بنیادی سہولیات میسر ہوں گی۔
جے این یو کے بعد جامعہ ملیہ اسلامیہ نے بھی جمعہ کے روز 31 مارچ تک فوری طور پر کلاسوں کو معطل کردیا اور طلبہ کو کورونا وائرس پھیلنے کے تناظر میں بڑے اجتماعات سے گریز کرنے کا مشورہ دیا گیا۔
دہلی یونیورسٹی نے جمعرات کے روز کورونا وائرس کے پھیلنے کے خدشات کے تناظر میں تمام کلاسز اور پروگرام کو معطل کردیا گیا تھا۔
