کنٹرولر جنرل آف انڈین میڈیسن (ڈی سی جی آئی) نے بچوں میں ہونے والے نمونیا کی پہلی ملک میں تیار ویکسین کو بنانے کی منظوری دے دی ہے۔ اب تک نمونیا کی ویکسین کی طلب لائسنس یافتہ درآمدوں کےذریعہ بیرون ملک سے خریدے گئے ویکسین سے پوری ہوتی ہے۔
مرکزی وزارت صحت وخاندانی فلاح وبہبود نے بتایا کہ اب تک نمونیا ویکسین بنانے والی کمپنیاں غیر ملکی رہی ہیں۔ جس کی وجہ سے اب تک ویکسین کی سپلائی غیرممالک سے ہوتی رہی ہے۔ پہلی مرتبہ اب ملک میں یہ ویکسین بنائی جائے گی اورڈی سی جی آئی نے اس کے بنانے کے لئے سیرم انسٹی ٹیوٹ آف انڈیا پرائیوٹ لمٹیڈ کو منظوری دی ہے۔
پونے کی اس کمپنی نے پہلی مکمل طور سے ملک میں تیار نمونیا کی ویکسین بنائی ہے۔ کمپنی کو ڈی سی جی آئی نے پہلے اس ویکسین کے لئے بھارت میں پہلے، دوسرے اور تیسرے مرحلے کے ٹرائل کی منظوری دی تھی۔
مزید پڑھیں:
امریکہ: پہلی کووڈ۔19 ویکسین آخری جانچ کے لئے تیار
کمپنی نے بھارت کے علاوہ گمبیا میں بھی اس کا ٹسٹ کیا ہے۔
کمپنی نے ٹیسٹ کے اعدادوشمار کے ساتھ اس کو بنانے کے لئے ڈی سی جی آئی کے سامنے درخواست دی تھی جسے 14 جولائی کو منظوری دے دی گئی۔
