عالمی وبا کورونا وائرس کے پھیلاؤ کو روکنے کے لیے مسافر ٹرینوں کی نقل و حرکت معطل ہونے کی وجہ سے بھارتی ریلوے کو 35000 کروڑ روپے کی آمدنی کے نقصان کا سامنا کرنا پڑا۔
پریس کانفرنس سے خطاب کرتے ہوئے، چیئرمین ریلوے بورڈ ، ونود کمار یادو نے کہا 'اس سال ہم مسافر طبقہ کی آمدنی کا صرف 10-15 فیصد دیکھ رہے ہیں جبکہ گزشتہ برس 50000 کروڑ روپے تھے جس کا مطلب ہے کہ ہمیں پسنجر سگمنٹ سے 30 سے 35000 کروڑ روپے کا نقصان ہوا ہے۔'
۔
"انہوں نے مزید کہا "ہمیں پسنجر سگمنٹ سے جو بھی نقصان ہوا ہے اسے فریٹ لوڈنگ کے ذریعہ حاصل کیا جا سکتا ہے۔''
یادو نے بتایا کہ وبائی امراض کی وجہ سے تمام 231 مسافر ٹرینیں جو اس وقت چل رہی ہیں ، اوسطا 75 فیصد حصے پر قبضہ کر رہی ہیں۔
تاہم ، کووڈ 19 کے باوجود گذشتہ سال کی سطح سے پہلے مال بردار ٹریفک کو آگے بڑھانے میں بھارتی ریلوے نے ایک اہم سنگ میل حاصل کرلیا ہے۔ 27 جولائی کو ، فریٹ لوڈنگ نے 3.13 ایم ٹی کا ہدف حاصل کرلیا ، جو گذشتہ سال 3.12 ایم ٹی تھا۔
ریلوے کے عہدیدار نے بتایا کہ 'اس سال کے آخر تک انفراسٹرکچر کی ترقی اور منطقی پالیسیوں کے ذریعے اس میں مزید 50 فیصد اضافے کا ایک مقصد طے کیا گیا ہے۔ فریٹ ٹرینوں کی اوسط رفتار بھی دگنی کردی گئی ہے جو 45 سے 46 کلومیٹر فی گھنٹہ ہے۔ "
27 جولائی کو بھارتی ریلوے میں مال بردار سامان سے کُل 1039 ریک لادے گئے تھے، جس میں غذائی اجزاء کی 76 ریک ، کھاد کی 67 ، اسٹیل کی 49 ، سیمنٹ کی 113 ، لوہے کی 113 اور کوئلہ کی 363 شامل ہے۔
یادو نے یہ بھی بتایا کہ فریٹ ٹرینون کی نقل و حرکت میں یہ بہتری آئندہ سفر پر مبنی ٹائم ٹیبل میں شامل کی جائے گی ،جس میں مسافروں اور سامان برداری کے لیے الگ الگ راہداری بنائی جا رہی ہے۔
