بھارتی دارالحکومت نئی دہلی میں ایک مریض کے کورنٹائن سینٹر پہنچنے کے دوران جراثیم کش دوا کا چھڑکاو کرنے والا کارکن مریض کے ارد گرد چھڑکاو کرتا نظر آیا۔
نئی دہلی کا ایک اسپورٹ سینٹر ان دنوں کورونا متاثرین کی دیکھ بھال کے لیے 500 بیڈز کے ایک عارضی اسپتال میں تبدیل کر دیا گیا ہے۔
ڈاکٹر نے بتایا کہ یہاں ہر طرح کی طبی سہولیات مہیا کرائی جاتی ہیں۔ ڈاکٹر کا کہنا ہے کہ یہاں کام کرنے والا عملہ مکمل طور پر مریضوں کے لیے وقف ہے۔
بھارت میں ان دنوں کورونا کیسز کی تعداد میں روز بروز اضافہ ہوتا جا رہا ہے۔ گذشتہ 24 گھنٹوں میں 37 ہزار 140 نئے کیسز کے ساتھ ملک بھر میں کورونا متاثرین کی تعداد 11 لاکھ 55 ہزار 191 ہو چکی ہے۔
وزارت صحت نے منگل کے روز 587 ہلاکتیں درج کی ہیں۔ اس طرح اب تک ملک بھر میں کورونا سے ہلاکتوں کی تعداد 28 ہزار 84 ہو چکی ہے۔
متاثرین میں سے اب تک 7 لاکھ 24 ہزار 577 افراد مکمل طور پر صحتیاب ہوئے ہیں۔
