چین کی جانب سے یادگاری ڈاک ٹکٹ کے مشترکہ آغاز کی منسوخی کے بعد بیجنگ نے کہا کہ بھارت نے لانچنگ کے وقت سے قبل رائے نہیں دی، لہذا اس پروگرام کو منسوخ کرنا پڑا۔
بھارت میں چینی سفارتخانے کے ترجمان جی رنگ نے ٹویٹر پر کہا کہ 'چین اور بھارت کے مابین سفارتی تعلقات کی 70 ویں برسی کے موقع پر یادگاری ڈاک ٹکٹ کے مشترکہ مسئلے کی منسوخی کی وجہ یہ ہے کہ لانچ کے وقت سے پہلے بھارتی فریق نے رائے نہیں دی تھی'۔
چینی سرکاری میڈیا سی جی ٹی این کی رپورٹ کے مطابق چین اور بھارت نے سفارتی تعلقات کے قیام کی 70 ویں سالگرہ کے موقع پر مشترکہ طور پر یادگاری ڈاک ٹکٹوں کا آغاز کرنا تھا۔
چین کے اسٹیٹ پوسٹ بیورو نے بھارت کے ساتھ 2020 میں باہمی تعلقات کے 70 ویں سال کے طور پر منانے کے لئے اپریل میں مشترکہ طور پر ڈاک ٹکٹ شروع کرنے کا منصوبہ بنایا تھا۔
چین کے سرکاری میڈیا چائنا گلوبل ٹیلی ویژن نیٹ ورک (سی جی ٹی این) نے اطلاع دی کہ 'بھارت کے ساتھ یادگاری ڈاک ٹکٹوں کے اجراء کے اپنے منصوبے کو منسوخ کرنے کا فیصلہ کیا ہے'۔
واضح رہے کہ بھارت اور چین نے رواں برس سفارتی تعلقات کے قیام کی 70 ویں سالگرہ کے موقع پر کئی پروگراموں کی منصوبہ بندی کی تھی۔
