اقوام متحدہ کے جنرل سکریٹری انتینیو گوتاریس نے بھارت اور پاکستان سے درخواست کی ہے کہ وہ پلوامہ حملے کے بعد بڑھتی کشیدگی کو کم کرنے کے لیے فوراً قدم اٹھائیں۔
جموں وکشمیر کے پلوامہ میں جیش محمد کے حملے میں 40 سے زائد سی آر پی ایف کے اہلکار کے ہلاک ہوگئے تھے۔
اس حملے کے بعد بھارت میں زبردست غم وغصہ کا ماحول ہے جس کے بعد بھارت نے اس حملے کا ذمہ دار پاکستان کو قرار دیا ہے۔
جبکہ پاکستان کے وزیر اعظم عمران خان نے بھارت سے شواہد پیش کرنے کو کہا ہے۔ اس زبانی جنگ کے بعد دونوں ممالک کے درمیان زبردست کشیدگی ہے۔
اقوام متحدہ کے سکریٹری جنرل کے ترجمان اسٹیفن دوجارک نےکہا کہ اگر دونوں ملک راضی ہوتے ہیں تو وہ ہمیشہ مصالحت کرنے کے لیے تیار ہے۔
وہیں پاکستان کے وزیر خارجہ شاہ محمود نے کہا کہ اقوام متحدہ کو دونوں ملکوں کے درمیان کشیدگی کم کرنے کے لیے اقدامات کرنا چاہیے۔
واضح رہے کہ گوتاریس نے گذشتہ ہفتے شدت پسندانہ حملے کی مذمت کی تھی، شدت پسندانہ حملے کے ایک سوال کے جواب دیتے ہوئے انہوں نے کہا کہ ہم چاہتے ہیں کہ زخمی جلد صحت یاب ہو اور حملہ کرنے والوں کو انصاف کے دائرے میں جلد لایا جائے گا۔
