شہریت ترمیمی قانون و این آر سی کی مخلافت پورے بھارت میں زوروں پر ہے، ملک کی ملی سماجی تنظیموں سمیت بھارت کی سبھی یونیورسٹیز کے طلبا و طالبات نے بھی اس قانون کی مخالفت کر رہے ہیں۔
اس قانون کی مخالفت آسام سے شروع ہوئی تھی، جوکہ رفتہ رفتہ پورے بھارت پر چھاگئی، یونیورسٹیز کے طلبا و اساتذہ اس قانون کی مخالفت میں کئی ہفتوں سے سڑکوں پر ہیں۔ دہلی کے شاہین باغ میں عورتیں مسلسل اس قانون کی مخالفت میں دھرنے پر بیٹھیں ہں۔
اطلاع کے مطابق انہیں حالات اور قانون کی مخالفت کے پیش نظر 8 جنوری 2020 کو بھارت بند کا اعلان کیا گیا ہے، کانگریس پارٹی کے رہنما راہل گاندھی نے بھارتی تجارتی یونین سمیت پورے بھارت کو بند کرنے کا اعلان کیا ہے۔
مزید پڑھیں: تہران ہوائی اڈے پر یوکرین کا طیارہ حادثے کا شکار
انہوں نے ٹوئٹ پر لکھا کہ یہ قانون بھارت مخالف قانون ہے اس سے تمام تجارتی مراکز کو خطرہ ہے لہذا تمام ملازمین اس قانون کی مخالفت کرین ۔
'مودی شاہ حکومت کی عوام دشمن، مزدور مخالف تباہ کن پالیسیوں نے بے روزگاری پیدا کردی ہے اور مودی کے متناسب سرمایہ دار دوستوں کو ان کی فروخت کا جواز پیش کرنے کے لئے ہمارے پی ایس یو کو کمزور کررہے ہیں۔
انہوں نے مزید کہا کہ اس بھارت بند احتجاج میں تقریبا 25 کروڑ لوگ شامل ہورہے ہیں اور میں ان تما م لوگوں استقبال کرتا ہوں۔
واضح رہے کہ بھارت بند کے دوران منعقدہ مظاہروں کی وجہ سے مغربی بنگال اور اڑیسہ سمیت ملک کے مختلف حصوں میں بس اور ٹرین کی خدمات متاثر ہوئی ہیں۔
مزید پڑھیں: ایران میں بھَگدڑ سے ہلاکتوں کی تعداد میں اضافہ
سینٹر آف انڈین ٹریڈ یونینز، انڈین نیشنل ٹریڈ یونین کانگریس سمیت دس مرکزی ٹریڈ یونینز بھی اس بارہ نکاتی مطالبہ کے ساتھ ہڑتال میں شامل ہورہی ہیں۔
اطلاع کے مطابق ٹریڈ یونین بھارتیہ مزدور سنگھ اس ہڑتال میں حصہ نہیں لے رہی ہے۔
