شادی کے بعد بھی جہیز کی وجہ سے کتنی بہؤوں کو موت کی گھاٹ اتارا جا چکا ہے، لیکن ریاست ہریانہ کے میوات میں ایک مثالی شادی کا اہتمام کیا گیا ہے۔
اس مثالی شادی میں محض ایک روپیہ کے ساتھ بیٹی وداعی عمل میں آئی۔ نوح کے پٹیل واٹیکا میں رمضان چودھری کی بیٹی ڈاکٹر شمع پروین کا نکاح انجینیئر طہٰ خان کے ساتھ عمل آیا۔
شادی میں شرکت کرنے پہنچے یوگیندر یادو نے کہا کہ اس شادی کی خاص بات یہ رہی کہ اس میں لین دین کی رسم کو ختم کیا گیا۔وہ اس عمل سے بے حد خوش ہیں، تمام کے لیے قابل تقلید ہے۔
اس شادی کی تقریب میں سوراج انڈیا پارٹی کے سربراہ یوگیندر یادو،نوح سے ممبر اسمبلی آفتاب احمد، فیروزپورجھرکا سے ممبر اسمبلی مامن خان انجنیئر، ہتھین سے کانگریس کے امیدوار رہے چودھری اسرائیل، سوہنا میوات سے سیاسی رہنما جاوید احمد، معروف سماجی کارکن عمر محمد پاڈلہ،اسلم گوروال، میوات وکاس سبھا کے صدر سلام الدین ایڈووکیٹ سمیت میوات کے کئی سماجی اور مذہبی شخصیات نے شرکت کی۔
لڑکی کے والد رمضان چودھری ایک معروف سماجی کارکن ہیں۔انہوں نے کہا کہ وہ جہیز جیسے ناسور پر لگام لگانا چاہتے ہیں۔آج وہ کافی خوش ہیں کہ اپنی بیٹی کو بنا جہیز کے وداع کر رہے ہیں، اس نیک کام میں لڑکے طہٰ خان کے والد حسن خان کا تعاون بھی نا قابل فراموش ہے۔
لڑکے والد حسن خان نے کہا کہ انھیں اسلام نے سادگی سے شادی کرنے کی تعلیم دی ہے اور لالچ سے دور رہنے کی تلقین کی ہے۔
