'حکومتی اسکیم کو لے کر عوام سے ووٹ کی اپیل کروں گا'

کانگریش کی جانب سے ٹکٹ دئیے جانے پر سہیل کا کہنا ہے کہ 'جو بھروسہ کانگریس جماعت نے میرے اوپر کیا ہے اس بھروسہ کو میں قائم کروں گا اور فتح حاصل کروں گا'۔

ریاست راجستھان کے جئے پور میں میونسپل کارپویشن کے انتخابات میں جئے پور ہیرٹیز نگر نگم اور جئے پور گرئٹر نگر نگم میں کانگریس اور بی جے پی کی جانب سے نوجوانوں پر زیادہ بھروسہ کیا گیا ہے، دونوں ہی جماعتوں کی جانب سے 182 نوجوانوں کو اس بار موقع دیا ہے۔

ان نوجوان امیدواروں میں کانگریس پارٹی نے 102 اور بی جے پی کی جانب سے 82 نوجوانوں کو ٹکٹ دے کر میدان میں اتارا گیا ہے۔

ایسے میں ہیرٹیز نگر نگم میں وارڈ نمبر 76 سے کانگریسی امیدوار بنائے گئے سہیل منصوری 21 برس کی عمر میں سب سے کم عمر نوجوان امیدوار ہیں۔

کانگریش کی جانب سے ٹکٹ دئیے جانے پر سہیل کا کہنا ہے کہ 'جو بھروسہ کانگریس جماعت نے میرے اوپر کیا ہے اس بھروسہ کو میں قائم کروں گا اور فتح حاصل کروں گا'۔

سہیل کا کہنا ہے کہ 'میرا گریجویشن چل رہا ہے۔ کانگریس حکومت کی جانب سے جو اسکیمیں چلائی گئی ہیں۔ ان اسکیمات کو لے کر عوام کے درمیان ووٹ کی اپیل کروں گا'۔

سہیل نے بتایا کہ 'میں عوام سے یہ بھی کہوں گا کہ وہ ایسے امیدوار کو منتخب کرے جو ایک فون پر آپ کو دستیاب رہے'۔

'کانگریس پارٹی پر جو الزامات پیسہ دے کر ٹکٹ دینے کے لگائے جارہے ہیں وہ بے بنیاد ہیں کیوں کہ کانگریس پارٹی ہمیشہ ہی زمینی کارکنان کو ہی امیدوار بناتی ہے۔ جو رکن اسمبلی تک اپنی بات پہنچانے ہیں ان کو موقع دیتی ہے'۔

'ایسے میں جو لوگ کام نہیں کرتے وہ بے بنیاد الزام کو کانگریس پارٹی پر لگا رہے ہیں'۔

سہیل کا یہ بھی کہنا ہے کہ 'اگر میں فتح حاصل کر لیتا ہوں تو ان میں وعدے نہیں بلکہ کام کروں گا'۔