ممبئی کے دادر علاقے میں سدھی ونائک مندر سے محض بیس میٹر کے فاصلے پر فحاشی کا اڈہ چلایا جا رہا تھا۔ ممبئی پولیس اس سے بے خبر تھی یا باخبر تھی اس بارے میں کچھ نہیں کہا جا سکتا لیکن دوسرے محکمہ کے افسر کو جیسے اسکی خبر لگی انھو ں نے اسکے خلاف کارروائی کر دی جسکے بعد محکمہ پولیس میں کھلبلی مچ گئی۔حیرانی کی بات یہ ہے کہ دادر علاقے میں موجود سدھی ونایک مندر کے قریب میں ہی یہ اسپا چلایا جا رہا تھا اور اسکی شکایت مسلسل موصول ہو رہی تھی ۔
یہ کارروائی ممبئی میں اینٹی نارکوٹک سیل میں تعینات ڈی سی شیودیپ لانڈے کے ذریعہ اس وقت کی گئی جب انکے پاس ڈی سی پی انفورسمنٹ کا اڈیشنل چارج تھا ۔ اس کارروائی میں 9 لڑکیوں کو بچایا گیا جبکہ اسپا کے مالک سلیم شیخ کو گرفتارکر لیا گیا ہے۔
حیرانی کی بات یہ ہے کہ ممبئی ک گوشے گوشے پر نظر رکھنے والی ممبئی پولیس کے مقامی پولیس تھانے دادر کو اس بارے کوئی اطلاع ہی نہیں تھی جبکہ محض 20 میٹر کے فاصلے پر سدھی ونایک مندر واقع ہے جس کی نگرانی کے لئے ممبئی پولیس ہمہ وقت تیار رہتی ہے۔
اس گرفتاری کے بعد مقامی پولیس تھانے میں کھلبلی مچ گئی یہی وجہ رہی کہ ملزمین کو میڈیا کے کیمروں سے بچانے کے لئے مقامی پولیس تھانے کے افسروں نے پولیس کے فرایض چھوڑ کر ملزمین کی طرف داری کر رہے تھے۔
