اس تعلق سے کرناٹک کے شہر بنگلور کی معروف سماجی تنظیم امام احمد رضا مومینٹ کے ذمہ دار مولانا سید صادق ارشاد نے کہا کہ میڈیا ملک کی جمہوریت کا چوتھا ستون ہے جب کہ چند مخصوص میڈیا اور اس سے جڑے صحافی اسے تار تار کررہے ہیں اور خواجہ اجمیری کی توہین کر ملک میں فساد برپا کرنے کی ایک سازش رچ رہے ہیں۔
اس موضوع پر بات کرتے ہوئے آل انڈیا ملی کونسل کے ریاستی نائب صدر مولانا نوشاد قاسمی نے کہ کہ خواجہ معین الدین چشتی اجمیری نے ملک ہند میں محبت بانٹی اور وہ اخوت و بھائی چارگی، امن و سلامتی اور قومی یکجہتی کے علم بردار ہیں۔
مولانا نوشاد نے کہا کہ بلا تفریق مذہب ملک دنیا بھر کے کروڑوں لوگ خواجہ اجمیری سے والہانہ عقیدت و محبت رکھتے ہیں، لیکن ایک صحافی کی گستاخانہ حرکت کروڑوں دلوں کو مجروح کرنے والی ہے اور اس کا یہ بیان ناقابل معافی ہے۔
شہر کے علما و دانشوران مذکورہ صحافی کے توہین آمیز بیان کی پرزور مذمت کی اور فرقہ پرستوں کے ایجنڈے چلانے والے میڈیا چینلز اور پرخطر ذہنیت رکھنے والے صحافیوں پر سخت کارروائی کرنے کا مطالبہ کیا۔
