ہنگامہ خیز ہاتھرس معاملے سے متعلق راجستھان کے دارالحکومت جے پور میں بھی لوگوں کا غصہ نظر آیا۔
جے پور میں واقع شہید اسمارک پر ہندو مسلم تنظیموں کے ذمہ دار جمع ہو کر یوپی حکومت اور مرکزی حکومت کے خلاف نعرے بازی کی۔
اس کے ساتھ ہی مظاہرین نے کینڈل روشن کر کے متاثرہ لڑکی کو خراج عقیدت پیش کی۔
جے پور راشٹریہ مسلم محاسبہ کے قومی صدر سید صاحب عالم کا کہنا ہے کہ 'جس ریاست کے وزیر اعلی یہ کہتے تھے کہ مسلم خواتین کو قبر سے نکال کر ہم ریپ کریں گے، ان لوگوں کے لیے کیا کیں، جو لوگ اتر پردیش میں ریپ کر رہے ہیں یہ وہی تمام لوگ ہیں جو وزیر اعلی کے غنڈے ہیں'۔
انہوں نے کہا کہ یہ اتر پردیش کے وزیر اعلی کی باتوں کا ہی نتیجہ ہے کیوںکہ آج انہوں نے جس طرح کے بیج بوئے تھے اس کا پھل آج نظر آ رہا ہے۔
سید صاحب عالم کا کہنا ہے کہ 'اگر اتر پردیش کے وزیر اعلی یوگی آدتیہ ناتھ خود ہی استعفیٰ دے دیتے ہیں تو اچھی بات ہے ورنہ ہم سبھی لوگ انہیں نیچے کھینچ کر گرا دیں گے'۔
اس احتجاجی مظاہرے اور خراج عقیدت میں راشٹریہ مسلم محاسبہ، دلت مسلم ایکتا منچ، امبیڈکر پارٹی آف انڈیا سمیت دیگر تنظیموں کے عہدیداران موجود رہے'۔
