پرنب مکھرجی کے انتقال پر حسینہ واجد اور پوتن کا اظہار تعزیت

پوتن نے وزیراعظم مودی اور صدر کووند کو اپنے تعزیتی پیغام میں کہا ہے کہ 'سابق صدر پرنب مکھرجی کے انتقال پر میری گہری تعزیت قبول کریں۔ صدر اور دیگر سرکاری عہدوں پر کام کرتے ہوئے مکھرجی نے اپنے ملک اور اعلی بین الاقوامی اتھارٹیز سے قابل احترام اعزاز حاصل کیا'۔

روسی صدر ولادمیر پوتن اور بنگلہ دیش کی وزیر اعظم شیخ حسینہ اور صدر عبدالحمید نے بھارت کے سابق صدر پرنب مکھرجی کے انتقال پر گہرے رنج و غم کا اظہار کیا۔

پوتن نے صدر رام ناتھ کووند اور وزیراعظم نریندر مودی کو ٹیلی گرام کرتے ہوئے کہا کہ 'مکھرجی کو ان کے ہم وطن اور اعلی بین الاقوامی اتھارٹی کا اعزاز حاصل ہے'۔

صدر نے کہا ہے کہ 'روس کے سچے دوست ہونے کی وجہ سے مکھرجی نے خاص طور پر بھارت اور روس کے مابین اسٹریٹجک شراکت داری کے تعلقات کو مستحکم کرنے میں اہم رول ادا کیا'۔

پوتن نے آنجہانی صدر کے اہل خانہ اور بھارتی عوام سے بھی اظہار تعزیت کیا۔

بنگلہ دیش کی وزیراعظم شیخ حسینہ نے اپنے تعزیتی پیغام میں دونوں پڑوسی ممالک کے مابین باہمی تعلقات کو مزید بہتر بنانے میں مسٹر مکھرجی کی تعاون اور خدمات کو یاد کیا۔

حسینہ اورصدر عبدالحمید نے آنجہانی کی آتما کی شانتی کے لئے دعا کی اور سوگوار خاندان سے گہرے رنج و غم کا اظہار کیا۔

خیال رہے کہ پرنب مکھرجی کا پیر کی شام (31 اگست 2020 کو) 84 سال کی عمر میں انتقال ہوگیا۔

سابق صدر کو گزشتہ 10 اگست کو آر آر اسپتال میں داخل کرایا گیا تھا۔ ان کے دماغ میں خون کے تھکا کا پتہ چلا جس کے بعد اس کا آپریشن کیا گیا۔

بعد میں اس کے پھیپھڑوں میں انفیکشن ہوگیا اور گردے بھی خراب ہوگئے۔ جس کے بعد پیر کو ان کی موت ہوگئی۔