سونیا کے خط پر عمل کرے حکومت: پرینکا

کانگریس کی جنرل سیکریٹری پرینکا گاندھی واڈرا نے میڈیکل داخلہ امتحان میں پسماندہ طبقہ کے طلباء کے لئے ریزرویشن کی سہولت نافذ نہ کرنے کو اس طبقہ کے نوجوانوں کے ساتھ ناانصافی بتایا اور ساتھ ہی انہوں نے کہا کہ وزیراعظم مودی کو اس تعلق سے کانگریس صدر سونیا گاندھی کے خط پر غور کرنا چاہئے۔

پرینکا گاندھی نے ٹو یٹ کرکے کہا کہ کانگریس صدر سونیا گاندھی جی نے نیٹ کے ذریعہ پر کی جارہی سیٹوں میں قومی کوٹہ کے تحت ریاست و مرکز کے زیراقتدار ریاستوں کے طبی اداروں میں او بی سی طلبہ کو ریزرویشن فراہم کرنے کا ایک جائز مطالبہ کیا ہے۔

ٹویٹ

یہ معاشرتی انصاف کا مطالبہ ہے۔ امید ہے کہ مرکزی حکومت اس پر عمل کرے گی۔

اس کے ساتھ ہی انہوں نے سونیا گاندھی کا وہ خط بھی پوسٹ کیا جس میں انہوں نے وزیر اعظم مودی سے پسماندہ طبقات کے لئے ریزرویشن سسٹم نافذ کرنے کی درخواست کی ہے۔