راہل گاندھی کی حکومت پر نکتہ چینی

راہل گاندھی نے مرکزی حکومت پر تنقید کرتے ہوئے کہا کہ 'کورونا وائرس کے اس بحران کے وقت بھی حکومت منافع کما رہی ہے'۔

کانگریس کے سابق صدر راہل گاندھی نے حکومت پر بیماری کے وقت بھی کمائی کرنے کا الزام لگایا اور کہا کہ 'حکومت کو بحران کے اس وقت میں عوام کی نہیں صرف اپنے مفاد کی فکر ستا رہی ہے'۔

راہل گاندھی نے ہفتے کو کہا،’’بیماری کے ’بادل‘ چھائے ہیں ،لوگ مصیبت میں ہیں،بینیفٹ لے سکتے ہیں- قدرتی آفت کو منافع میں بدل کر کما رہی ہے۔غریب مخالف حکومت ۔‘‘

بیماری کے وقت بھی منافع

اس کے ساتھ ہی انہوں نے ایک خبر بھی پوسٹ کی ہے جس میں کہا گیا ہے کہ مزدور ٹرینوں سے بھی ریلوے نے جم کر کمائی کی ہے اور جون تک ریلوے نے 428 کروڑ روپے کی آمدنی کی۔

راہل گاندھی مسلسل مرکزی حکومت کی تنقید کرتے آْئے ہیں اور اب انہوں نے اپنے ٹویٹر ہینڈل پر اس ٹویٹ سے بحث کو مزید طول دے دی ہے۔