کیرل سونے کی اسمگلنگ کیس کے اہم ملزم سوپنا نے ریاست کے وزیراعلی پنارئی وجیئن کے سابق چیف سکریٹری ایم شیوشنکر کو پانچ جولائی سے 10 جولائی کے درمیان تین مرتبہ فون کیا تھا۔
ذرائع نے جمعہ کو بتایا کہ سوپنا نے گرفتار ہونے سے پہلے شیوشنکر کو کم از کم تین مرتبہ فون کرکے ان سے مدد مانگی تھی لیکن انہوں نے اس کی مدد نہیں کی تھی۔
شیوشنکر نے تفتیشی ایجنسیوں کے سامنے یہ اعتراف کیا ہے کہ 30 جون کو کسٹم ڈیوٹی محکمہ کے ذریعہ حراست میں لئے جانے کے بعد سوپنا نے ان سے مدد مانگی تھی لیکن انہوں نے اس بات سے انکار کردیا کہ انہوں نے اس معاملے میں سوپنا کی کوئی مدد کی تھی۔
قومی جانچ ایجنسی کے حکام نے جمعرات کے روز شیوشنکر اور سوپنا کو آمنے سامنے بٹھاکر 43 سوالات پوچھے تھے۔
یہ بھی پڑھیں:چکہ جام کے دوران کسانوں نے قومی شاہراہ پر ادا کی نماز
