انڈین میٹرولوجیکل ڈپارٹمنٹ یعنی بھارتی محکمہ موسمیات کی جانب سے لوگوں سے اپیل کی گئی ہے کہ آئندہ 48 گھنٹوں میں لوگ گوا میں ساحلوں پر نہ جائیں۔
حکام نے پیر کو بتایا کہ 'محکمہ موسمیات نے شمالی اور جنوبی گوا کے اضلاع کے علاقوں میں 45-55 کلومیٹر فی گھنٹہ کی رفتار سے تیز بارش کی پیش گوئی کی ہے'۔
اس کے علاوہ درشٹی مرین فرم کی جانب سے ایک ایڈوائزری بھی جاری کی گئی ہے، درشٹی مرین ایک نجی فرم ہے جسے حکومت کی جانب سے ساحلوں کی رکھوالی کا کام سونپا گیا ہے۔
فرم کی جانب سے کہا گیا ہے کہ انہوں نے ریاست کے 105 کلو میٹر ساحلی پٹی کے ساتھ ساتھ ساحل پر باقاعدہ لال جھنڈے لگائے ہیں، جس سے یہ ظاہر ہوتا ہے کہ یہ علاقہ تیراکی کے لئے خطرناک ہے۔
