واضح رہے کہ کورونا وائرس کے خطرات کے پیش نظر ملک بھر میں 21 دنوں کا لاک ڈاؤن جاری ہے اور زیادہ تعداد میں لوگوں کے جمع ہونے پر مکمل پابندی عائد ہے ۔
تمام مسالک کے علما نے گذشتہ جمعہ کو بھی پریس ریلیز اور ریڈیو و ٹی وی کے ذریعہ مسلمانوں سے اپیل کی تھی کہ وہ مساجد میں جمعہ کی نماز ادا نہ کریں بلکہ اپنے گھروں میں ظہر کی نماز ادا کریں۔
گذشتہ جمعہ کو لکھنؤ کے معروف عالم دین مولانا فرنگی محلی، جمعیت علمائے ہند کے صدر مولانا ارشد مدنی، جامع مسجد کے امام احمد بخاری اور مسجد فتح پوری کے امام مفتی مکرم وغیرہ نے جمعہ کی نماز ظہر کی شکل میں گھروں میں ادا کرنے کی اپیل کی تھی۔
ملک بھر میں 21 دنوں کے لاک ڈاؤن کے نفاذ کے بعد سے ہی تمام اسکولز کالجز اور کلب اورعوامی مقامات مکمل طور پر بند ہیں۔
واضح رہے کہ کورونا وائرس سے ملک میں 60 سے زائد افراد ہلاک اور 2300 سے زائد افراد متاثر ہیں ۔
وہیں علما نے تبلیغی جماعت کو میڈیا میں غلط تشہیر کرنے پر بھی تشویش کا اظہار کیا ہے۔
