تلنگانہ پولیس نے اطلاع دی ہے کہ گاندھی اسپتال میں کورونا وائرس سے متاثرہ چیرلہ پلی سنٹرل جیل کے چار قیدی فرار ہوگئے ہیں۔
حیدرآباد سٹی پولیس کمشنر انجنی کمار نے میڈیا کو بتایا کہ '26 اگست کو سکندرآباد کے گاندھی اسپتال میں زیر علاج کووڈ-19 مثبت ٹیسٹ کے چار قیدی اسپتال کے قیدی وارڈ سے فرار ہوگئے ہیں'۔
کمار نے بتایا ہے کہ 'فرار شدہ قیدیوں کی شناخت عبد الارباز، محمد جاوید، منگالی سومسندر اور پروتھم نارسیاہ کے نام سے ہوئی ہے'۔
انھوں نے بتایا ہے کہ ان فرار ہونے والے قیدیوں کی گرفتاری کے لئے آپریشن جاری ہے۔ اس معاملے میں ایف آئی آر درج کی گئی ہے'۔
ایک عہدیدار نے بتایا کہ 'ان قیدیوں کو کورونا وارئرس کا مثبت ٹیسٹ آنے کے بعد گاندھی اسپتال میں داخل کرایا گیا تھا۔ وہ جمعرات کی صبح تین بجے سے اسپتال سے لاپتہ ہیں'۔
وہ اسپتال کی مرکزی عمارت کی دوسری منزل میں زیر علاج تھے۔
اسسٹنٹ کمشنر آف پولیس (اے سی پی) پی وینکٹا رمنا نے ایک نیوز ایجنسی کو بتایا ہے کہ 'چونکہ اسپتال کی مرکزی عمارت سات منزلوں پر مشتمل ہے اور ہر مقام پر سیکیورٹی چیک ہے، اس وجہ سے قیدی فرار نہیں ہوسکتا ہے۔ تاہم وہ لاپتہ ہیں اور تلاش جاری ہے'
