صدر رام ناتھ کووند نے گزشتہ روز سابق چیف جسٹس رنجن گگوئی کو راجیہ سبھا کے لیے نامزد کیا تھا جس کے بعد سیاسی حلقوں میں چےمی گوئیاں شروع ہو گئی تھیں۔
اب اس معاملے میں خود سابق چیف جسٹس کا بیان سامنے آیا ہے، راجیہ سبھا کی رکنیت لینے کے سوال پر انہوں نے کہا کہ حلف لینے کے بعد جواب دینے کی انہوں نے بات کہی ہے، انہوں نے کہا کہ ممکن ہے کہ میں بدھ کو دہلی جاؤں گا۔
انہوں نے کہا کہ 'مجھے حلف لینے دیجیے پھر تفصیل سے بتاؤں گا کہ میں نے راجیہ سبھا کی رکنیت قبول کیوں کی'۔
واضح رہے کہ چیف جسٹس آف انڈیا رنجن گگوئی 17 نومبر 2019 کو سپریم کورٹ کے چیف جسٹس کے عہدے سے ریٹائر ہوئے تھے، ان کے ریٹائرمنٹ سے قبل ان ہی کی صدارت والی پانچ ججوں کی آئینی بنچ نے بابری مسجد رام مندر اراضی تنازع کیس سب اہم فیصلہ سنایا تھا۔
آئینی بینچ نے اپنے فیصلے میں اس متنازع زمین پر رام مندر کی تعمیر کا فیصلہ سنایا تھا اور اس جگہ کے بدلے بابری مسجد کے لیے ایودھیا میں ہی دوسری زمین دینے کا حکم دیا تھا۔
وہیں کانگریس کے سینیئر رہنما اور وکیل کپل سبل نے اپنے ٹویٹ میں رنجن گگوئی پر شدید نکتہ چینی کرتے ہوئے کہا کہ انہیں عدلیہ اور ایمانداری سے سمجھوتہ کرنے کے لیے یاد کیا جائے گا'۔
