ریاست مدھیہ پردیش کے سابق وزیراعلیٰ بابولال گور گزشتہ کئی دنوں سے بیمار چل رہے تھے، جن کا 21 اگست کی صبح 89 برس کی عمر میں طویل علالت کے بعد انتقال ہو گیا۔
وہ تقریباً 11 دنوں سے دارالحکومت بھوپال کے نرمدا ہسپتال میں زیر علاج تھے۔ بتایا جا رہا ہے کہ ان کی حالت کافی نازک تھی جس کی وجہ سے انھیں خاص ڈاکٹروں کی نگرانی میں وینٹیلیٹر پر رکھا گیا تھا۔
جب سابق وزیراعلیٰ کو ہسپتال میں داخل کرایا گیا تھا تب ان کے جسم میں کافی حرکت تھی، لیکن حرکت کم ہونے کے بعد انھیں وینٹیلیٹر سپورٹ پر رکھا گیا تھا۔ بابولال گور کے انتقال سے بی جے پی اور دوسرے سیاسی حلقوں میں غم کی لہر ہے۔
بابولال گور مدھیہ پردیش کے سولہویں وزیر اعلی تھے۔ اپنے سیاسی سفر میں وہ بھوپال کے گوندپورہ سے دس مرتبہ رکن اسمبلی منتخب ہوئے۔23 اگست 2004 میں انھیں بھارتیہ جنتا پارتی نے ریاست کی باگ ڈور سونپی جو 29 نومبر 2005 تک مدھیہ پردیش کے وزیراعلیٰ رہے۔
وزیر اعلیٰ کے علاوہ بابولال گور نے اپنے سیاسی سفر میں دیگر وزارتیں بھی سنبھالی ہیں۔
