وزیر خارجہ ایس جے شنکر کی ماں سلوچنا سبرامنیم کا ہفتہ کے روز انتقال ہوگیا ہے۔ سبرامنیم نے آج خود ٹوئٹ کرکے یہ اطلاع دیتے ہوئے کہا کہ 'بہت افسوس کے ساتھ یہ اطلاع دے رہا ہوں کہ آج میری ماں سلوچنا سبرامنیم کا انتقال ہوگیا۔ ہم ان کے دوستوں اور خیرخواہوں سے انہیں اپنی یادوں میں بسائے رکھنے کی درخواست کرتے ہیں۔
انہوں نے لکھا کہ 'ان کی بیماری کے دوران انہیں ہمت دینے والے سبھی لوگوں کا ہمارا کنبہ خاص طور سے مشکور ہے'۔
انہوں نے ٹوئٹ کے ساتھ اپنی ماں کی تصویر بھی مشترک کی۔ ان کے کنبے میں تین بیٹے ایس جے شنکر، ایس وجے کمار اور سنجے سبرامنیم ہیں۔
یہ بھی پڑھیں: 'صحافتی آزادی کی آڑ میں مسلمانوں کو نشانہ نہیں بنایا جاسکتا'
مرکزی وزیر کرن رجیجوں، بی جے پی لیڈر رام مادھو، نیتی آیوگ کے سی ای او امیتاببھ کانت سمیت دیگر نے جے شنکر کی ماں کے انتقال پر رنج کا اظہار کیا۔
