وزیراعظم نریندر مودی
ٹائم میگزین میں بھارتی وزیراعظم نریندر مودی کو 2020 کی بااثر شخصیات میں شامل کیا ہے۔ وہ واحد بھارتی سیاست داں ہیں، جن کا نام ٹائم میگزین کی فہرست میں شامل کیا گیا ہے۔
اس فہرست میں شامل کرنے کی وجہ یہ ہے کہ وزیراعظم آبادی کے ایک بڑے حصوں کو اپنے خیالات و افکار سے متاثر کرتے ہیں۔
ٹائم میگزین کی ’100 سب سے زیادہ بااثر شخصیات‘ کی فہرست میں وزیراعظم نریندر مودی کا نام اس سے قبل سنہ 2014، 2015 اور 2017 میں بھی آچکا ہے اور اس برس بھی انہیں اعلی شخصیت کے زمرے میں رکھا گیا ہے۔
وزیراعظم نریندر مودی کے علاوہ دیگر چار بھارتیوں کو اس فہرست میں شامل کیا گیا ہے۔
معمر خاتون بلقیس المعروف شاہین باغ کی دادی
ٹائم میگزین کی سو بااثر شخصیات میں یوں تو ہر برس مختلف شعبہ جات کے افراد شرکت کرتے ہیں، تاہم اس برس پُرامن مظاہرہ کرنے والی ایک ضعیف خاتون کو بھی جگہ دی گئی ہے۔
وہ ضعیف خاتون شاہین باغ کی دادی کے نام سے معروف ہیں
قومی دارالحکومت دہلی میں شاہین باغ میں شہریت (ترمیمی) ایکٹ یا سی اے اے کے خلاف مظاہروں کا مرکز بن گیا تھا، جس کی سربراہی شاہین 82 برس کی ضعیف خاتون بلقیس نے کیا تھا۔ انتہائی سرد موسم میں سو دن سے زائد وہ دھرنے پر بیٹھی رہیں۔
بلقیس ان لوگوں میں شامل ہیں جنھیں شاہین باغ کی دادی کے نام سے جانا جاتا ہے۔
واضح رہے کہ شاہین باغ تحریک کی تین دادیاں اسماء، سروری اور بلقیس شاہین باغ کی 'دبنگ دادیوں' کے نام سے مشہور ہیں۔ ٹائم میگزین نے بلقیس (دادی) کو 2020کی سو با اثر شخصیات میں شامل کیا ہے۔
انہوں نے سخت سردی اور بارش کے موسم میں بھی اپنی ہمت نہیں ہاری تھی اور نوجوان خواتین اور مظاہرے میں شامل تمام لوگوں کی قیادت کر رہی تھیں اور انہوں نے شاہین باغ تحریک پر ہر حملے کو نہایت ہی ثابت قدمی، عقل مندی اور حکمت عملی کے ساتھ جواب دیا تھا۔اس کی وجہ سے وہ دبنگ دادیوں کے نام بھی مشہور وہوئیں۔
خیال رہے کہ ٹائم میگزین کے ذریعہ ہر برس ٹائم میگزین کی سو بااثر شخصیات کی فہرست جاری کی جاتی ہے، جس میں مختلف شعبوں میں کام کرتے ہوئے دنیا کو متاثر کرنے والے افراد کے نام شامل کئے جاتے ہیں۔
مزید پڑھیں:پاکستان میں شیعہ مخالف مظاہرے تشویشناک: مولانا شباب نقوی
آیوشمان کھرانا
رواں برس 2020 میں بالی ووڈ کے معروف اداکار آیوشمان کھرانا بھی ٹائم میگیزین کی فہرست میں اپنی جگہ بنانے میں کامیاب ہوگئے۔ وہ واحد بھارتی اداکارا ہیں، جن کا نام اس فہرست میں آیا ہے۔ اداکاری کی دنیا میں بہترین کارکردگی انجام دینے پر ان کا نام شامل کیا گیا ہے۔ معروف ادکاراہ دیپیکا پڈوکون انہیں اس کے لیے مبارک باد پیش کیا ہے۔
سندر پچائی
عالمی سطح کی سب سے معروف سرچ انجن گوگل کے سی ای او سندر پچائی کا نام بھی ٹائم میگزین کی سو بااثر شخصیات میں شامل کیا گیا ہے۔ان کا تعلق ریاست ریاست تمل ناڈو سے ہے اور وہ 48 برس کے ہیں۔
سندر پچائی نے اپنی بہترین کارکردگی اور اختراعی قوت اور چیلنجوں کا سامنا کرتے ہوئے امریکی اور بھارتی شہریوں کے لیے ایک آئکن بن گئے ہیں۔
پروفیسر رویندر گپتا
ایچ آئی وی ریسرچ کے محقق رویندر گپتا کو بھی ٹائم میگزین کی سو بااثر شخصیات میں شامل کیا گیا ہے۔
انہوں نے گذشتہ برس لندن میں مریض سے ایچ آئی وی سے پاک ہونے میں اہم کردار ادا کیا تھا ، کو بھی اس فہرست میں شامل کیا گیا ہے۔ لندن سے تعلق رکھنے والا مریض دنیا کا واحد دوسرا مریض ہے جو ایچ آئی وی سے پاک ہوگیا ہے۔
