راجیہ سبھا میں پانچ اراکین کی حلف برداری

تمل ناڈو کے پانچ اراکین کو آج راجیہ سبھا میں رکنیت کا حلف دلایا گیا، جن میں وائیکو بھی شامل ہیں۔

راجیہ سبھا کے چیئرمین ایم وینکیا نائیڈو کی صدارت میں ان اراکین نے حلف لیا۔

ایوان بالا کی کارروائی شروع ہونے کے بعد این چندر شیکھرن، ایم جان، این سرمگم، وائیکو اور پی ولسن نے ایوان کی رکنیت کا حلف لیا۔

نئے اراکین نے رکنیت کا حلف لینے کے بعد نائیدو سے خیر سگالی ملاقات کی اور دیگر اراکین نے میز تھپتھپا کر ان کا خیر مقدم کیا۔

غور طلب ہے کہ تمام اراکین نے تمل زبان میں حلف لیا۔