ممبئی کے آزاد میدان میں یکم فروری کو 'ممبئی پرائیڈ سالیڈیریٹی گیدرنگ' کے تحت منعقد پروگرام کے درمیان شرجیل امام کی حمایت میں نعرہ لگایا گیا تھا جس میں اروشی چوڑا والا اور دیگر نے شرجیل امام کی حمایت میں نعرے لگائے تھے۔
اب اس معاملے میں پو لیس نے اروشی اور 50 دیگر کے خلاف ملک سے غداری کا مقدمہ درج کیا ہے۔ فی الحال پولیس اس معاملے کی تفتیش کر رہی ہے۔
شرجیل امام پر اشتعال انگیز تقریر کرنے کا الزام ہے اور اسے بہار کے جہان آباد سے گرفتار کیا گیا ہے جس کے بعد اس کے خلاف ملک سے غداری کا مقدمہ درج کیا گیا۔
دراصل شرجیل امام کی تقریر کا ایک ویڈیو سوشل میڈیا پر وائرل ہوا تھا جس کے بعد پولیس نے ان کے خلاف مقدمہ درج کیا ہے۔
مبینہ ویڈیو میں شرجیل آسام اور شمال مشرقی ریاست کو بھارت سے الگ کرنے کی بات کرتے نظر آتے ہیں۔
